काठमाडौं : स्कुलको लापरबाहीले भारतको उत्तराखण्डस्थित नैनीतालमा एक नेपाली विद्यार्थीको ज्यान गएको छ । नैनीतालको एक एक स्कुलमा कक्षा ९ मा अध्ययनरत काठमाडौंका १४ वर्षीय शान प्रजापतिको दिल्लीमा उपचारका क्रममा ज्यान गएको हो ।
शानले आफू बिरामी रहेको खबर उनको परिवारलाई गरेपनि स्कुल प्रशासनले समयमा उपचार गर्न चासो नदिँदा उनको ज्यान गएको भारतीय सञ्चारमाध्यमहरुले जनाएका छन् ।
स्कुलमै गम्भीर विरामी परेका उनको नयाँ दिल्लीको नोयडास्थित एपोलो अस्पतालमा उपचारका क्रममा शुक्रबार ज्यान गएको हो । शानको ज्यान गएपछि उनकी आमा निनाले स्कूल प्रशासनविरुद्ध दिल्ली प्रहरीमा जाहेरी दिएकी छन् ।
भारतीय सञ्चारमाध्यमहरुले शानको ज्यान जानुको कारण रगतमा देखिने समस्या स्पेटिसेमिया भएको उल्लेख गरेका छन् । शानकी दिदी तेजस्वीनी प्रजापतिले भाइ विरामी भएपछि उपचार गराउन भन्दा स्कूल प्रशासनले चासो नदिएको बताएकी छन् ।
 |
| फोटो :शानले अध्ययन गरेको कलेज |
नोयडास्थित दिल्ली प्रहरीका एसपी योगेन्द्र कुमार यादवले शानको मृत्यु स्कुलको लापरबाहीले भएको भन्दै आमा निनाले जाहेरी दर्ता गराएकी खबर देहरादुन अमरउजालाले लेखेको छ । शानको ज्यान गएपछि उत्तराखण्डकै प्रतिस्ठित कलेजका कर्तुतहरु एक पछि अर्को बाहिर आएको खबर दैनिक उत्तराखण्डले प्रकाशित गरेको छ ।
Sponsored Links
