सिन्धुपाल्चोक । घरबाट प्रदेश गएको एक महिनापछि फोन वार्ता हुँदा छोरीहरुले ‘ममी तपाईं छिट्टै घर आउनुहोस् है’ भनेको शब्दा उनको मानसपटलमा अझै पनि ताजै छ ।
दुई छोरी, श्रीमान् र एक छोरा घरमै छाडेर विदेश गएको तीन महिना नपुग्दै राम्चे गाउँ विकास समिति–१ कागुने गाउँकी सरिता तामाङले कहिल्यै नसोचेको घटना व्यहोर्न बाध्य भइन् ।
‘विदेश गएको तीन महिनामै सबै सन्तान गुमाउनेपर्छ भन्ने थाहा पाएको भए विदेश नै जाने थिइन,’ सरिताले भनिन् ।
वैदेशिक रोजगारीका लागि तीन महिना अघि कुवेत पुगेकी थिइन्, सरिता । घरेलु कामदारका रुपमा त्यहाँ पुगेपछि राम्रोसँग काम गरिरहेकी पनि थिइन् ।
तर, गत साउन १७ मा आफ्नो घर सबै पहिरोले बगाएको खबर फेसबुकबाट थाहा पाएपछि सरिताले केहि सोच्नै सकिनन् । नेपालमा रहेका सबै आफन्तलाई उनले सोधी खोजि गरिन् तर सबैले फरक फरक जवाफ दिए ।
‘अब घरमा रहेका कुनै सन्तान बाँकी छैनन् भन्ने मैले उतै थाहा पाइसकेको थिए,’ सरिताले भनिन् । आजको राजधानीमा समाचार छ ।
Sponsored Links
