बलिउडमा निकै चर्चामा रहेको जिया खानको मृत्युको घटनामा फेरी अर्को मोड आएको छ । जिया खानका वकिलले पहिलो पटक जिया खानका ती तस्विरहरू सार्वजनिक गरेका छन्, जुन तस्विरहरू जियाको मृत्यु पछि लिइएको थियो ।
यी तस्विर देखाउँदै जिया खानका वकिल दिनेश तिवारी तथा जियाका परिवारले जिया खानले आत्महत्या गरेको नभई हत्या भएको जिकिर गरेका छन् । नायीका जिया खानले आत्महत्या गरेको करिब ४ महिनापछी मात्र यस्ता तस्विर सार्वजनिक गरिएका हुन् । आत्महत्याको लगभग १० दिनसम्म उक्त घटनाले निकै चर्चा पाएको थियो । यसक्रममा नायीका जियाका प्रेमी सुरज पञ्चोलीलाई पक्राउ गरेपछी घटनाले नयाँ मोड लिएको थियो भने केहि शान्त पनि भएको थियो ।
तर, अब यी तस्वीरहरू सामुन्ने आएपछी जिया खानको मृत्यु प्रकरणमा फेरी नयाँ मोड आएको छ । यी तस्विरमा देखिएका दृश्यले उनले आत्महत्या नभई कसैले उनको हत्या गरिएको हुन सक्ने अनुमान लगाउन सकिने बताइएको छ ।
यी तस्विर बाहिर आएपछी नायीका जियाकी आमा राबिया खानले आफ्नो छोरीले आत्महत्या गरेको नभई हत्या भएको जिकिर गरेकी छिन् । जियाको आत्महत्याको १० दिनपछी सार्वजनिक गरिएको सुसाइड नोटमा उनले सुरजसँगको प्रेम, सुरजले दिएको यातनाका विषयमा लेखेकी थिइन् । सुसाइड नोट भेटेपछि प्रहरीले सुरजलाई बलात्कार तथा यातना उनी जिया आत्महत्या गर्न मजबुर भएको भन्दै पक्राऊ गरेको थियो ।
यी तस्विर बाहिर आएपछी यो घटनालाई सर्वोच्च अदातलमा पेश गरिने र सिबिआईबाट जाँच गरिनुपर्ने माग राख्ने तयारी भइरहेको बताइएको छ । राबियाले अदालतलाई लेखेको रिपोर्टमा उनले आफ्नो छोरीले आत्महत्या गरेको नभई उनको हत्या भएको र सिबिआईले उक्त घटनाको जाँच गर्नुपर्ने माग गरेकी छिन् । उनले जियाको शरिरमा अन्य चोटको निशानहरू पनि रहेको तर प्रहरीले यसमा कुनै ध्यान नदिएको आरोप समेत लगाएकी छिन् ।
Sponsored Links
